لا أحب الإشاعات في الحقيقه وتقريبا هذه الإشاعه لكن تستحق الذكر فالموقع DIGITIMES يقول بأنه في شهر يناير سيتم أصدار نسختين من الأيباد فالأولى ستكون بمواصفات عاليه من ناحية المعالج رباعي النواه A6 و الشاشه بدرجة وضوح 1536 في 2048 بتقنية الأضاءه الخلفيه LED مزدوجه ! والبطاريه 14 ألف أمبير أما الأخرى فهي ستكون بكاميرا 5 ميجابيكسل وبمواصفات أقل لذوي الدخل المتوسط أما الأيباد 2 سينخفض سعره حتى يكون مناسب لذوي الدخل المحدود .
طبعا سبق وأن سمعنا مثل هذه الأخبار لكنها لم تتحقق في العام 2011 ولكن المصدر يقول بأنه سيتم الكشف عنه خلال مؤتمر iWorld “المعروف سابقا بأسم Macworld” لكن لننتظر ونرى .
على كذا نكره مرسيدس واودي ليش ماتصنع سيارة بـ 40 الف..!!
ياخي هذي اسعار ابل اللي يبغاها يشتريها واللي ميزانيته ماتسمح
يروح يشتري تقليده قلقسي صحيح مو نفس الجوده لكن اسمه جوال..
وماقصرت سامسونق وفرت البديل لذوي الدخل المحدود
واذا كنت من شباب الهاي تك وشغلك هندسة او برمجة وذوقك صعب
عليك بهواتف الاتش تي سي فهي متطورة جداً بالهاردوير
ومبدعة جداً بالواجهة والسوفت وير..
واذا كنت من فئة “وش تنصحنا فيه يبو..القلقسي مثل البلاك بيري..؟!”
فعليك بالقلقسي.
مثل تقني: (قال وش حادك على القلقسي..قال غلا الايفون) 🙂
تقليد سامسوج حيث الحجم سيكون 7.8 ” انش
يبوي لا تشغلنا يالحوطي
تبغاء تشوف جودة ابل وصناعتها امسك اي منتج من ابل وامسك اي منافس له وتشوف ليه ابل هي الجودة سرعة نظام وسلاسه وقوة في التصميم وتناسق بين الجهاز ونظامه حتى في تصميمه
“البطاريه 14 ألف أمبير” !!!!
أرجوا تتأكد من المصدر، لأنه مستحيل يكون هذا الرقم صحيح
هل تعتقدون ابل لا تحترم دخل الفرد العادي ؟؟ اين الكلام عن سامسنوغ مثلا ؟؟
أليس جلاكسي نوت بــ 3000 ريال ؟؟ ايضا جلاكسي اس 2 بـ 2200 ريال ؟؟
بينما ابل لا تبعد عن ذلك 2400 ريال ؟؟
سامسنوغ تبيع مشغل الصوتيات PLYER 5 بسعر 1100 ريال بينما الآيبود تجده بالسوق بسعر 799 ريال !!!!
طيب نروح للكمبيوتر ؟؟ سامسنوغ Series 9 يباع بسعر 7000 ريال ؟؟
تستطيع ان تجد هناك ماك ميني بــ 2700 ريال وبمعالج I5 !!!
ايضا لا تتوقفون عند المعالج و الرام و الهارد بل هناك الخام المستخدم بصناعة الجهاز و اغلب اجهزة ابل غالية بسبب أستخدام الألمونيوم بأجهزتها ؟؟
هذا سعر السوق !! ابل تقدم جميع اجهزتها بمواصفات عالية للذلك تظهر سعرها مرتفع مثل السوق !! و إلا تستطيع ابل صنع اجهزة بتكلفة اقل وبيعها بتكلفة اقل كذلك !! أرجوكم لا تقارنون أسعار ابل مع اسعار منتجات مختلفة كليا مثل جهاز ديل بمعالج بنتيوم يباع بــ 999ريال !!!
“سامسنوغ” أجل
يا اخي ياليت تحترم عقول الناس اللي بيقرون ردك
جالكسي نوت اللي تقول عنه بـ 3000 ريال هذا سعره اول ما نزل وهو الان بـ 2800 ريال رغم انه على مواصفاته يستاهل اكثر بعكس الايفون اللي لو ماكنت تدري اول ما نزل كان يباع بـ 5000 ريال اذا ما كان اكثر واخرتها نزلت شركة ابل الايفون 4اس بتغييرات اقل من المؤثرة وسعره اول مانزل بـ 4500 ريال ولا ننسى ان شركة سامسونغ نزلت اجهزة لمحبي الاندرويد من ضمنها ميني وبسعر خيالي لذوي الدخل المحدود هذا الكلام كله فقط عن الايفون لكن اللي اعتبره الحسنة الوحيدة لشركة ابل هو الجهاز الرائع ايبود تتش بصراحة ومن وجهة نظري افضل من الايفون نفسه باعتباري مالك شخصي له ومغنيني من دفع المبلغ الخيالي علشان مجرد استخدم تطبيقات الجهاز وغلطتك الكبرى مقارنتك بجهاز صغير من حجمه ما يقارن الا باجهزة النت بوك اللي اسعارها بـ 900 ريال وشوي بجهاز سامسونغ اللي من مواصفاته ما يقارن الا بالماك بوك برو واللي نعرف ان اسعاره بـ 12000 ريال يعني من اللي قاعد يلعب بجيوب المستهلكين الحين مستحيل ترد
والادهى والامر انك تبرر غلاء اسعار اجهزة ابل بسبب الخامات ومن ضمنها الالمنيوم طيب ياليت تقول لي وشيفيد الالمنيوم للجهاز تقنيا لو ان المقصد جودة ما شفناك تمدح شركة فيرتو للجوالات الفخمة المصيبة ان شركة ابل اعتبرت جودة قطعها كعذر لغلاء السعر واللي هو بالمناسبة عذر اقبح من ذنب ويبين هذا الشئ في الزجاج المستخدم بالجهاز والمقطع المشهور واللي نزله اخونا سلطان القحطاني مشكورا في موضوع سابق لتجربة السقوط بين الجهازين 4اس واس2 يبين معنى كلامي
ياليت تحكيم العقل قبل ذكر اي رد وعدم ترجيح كفة المشاعر على العقلانية
كما قلت الحب الأعماء وتركك للعقلانية ,,
للأسف وقعت انت في ذلك !!!
المهم الجميع هنا بعالم الشركات يتقيد بسعر السوق
مستحيل ان ابل ترفع سعرها لهذه الدرجة بدون مبرر ؟؟
كم نلاحظ رفع سعر سامسنوغ لبعض اجهزتها وهذا هو سعر السوق ؟؟
كما قبل ايام تفأجت بسامسنوغ سعره 6799 ريال ؟؟ معا انني استطيع شراء بنفس المواصفات من شركة اخرى مثل HP و بــ 3999ريال ؟؟؟
اخي اذهب الى شركات PC انظر قد تجد ان هناك أجهزة بنفس المواصفات ولكن الاخر اغلى من الاخر و السبب هو الخام ؟؟
الخام يلعب دور كبير في ذلك ,, فما فرق جهاز مخصص لرجال الأعمال بسعر غالي مع وجود جهاز شبيه له بالمواصفات بسعر اقل ؟؟ هل تظن ان كلمة لرجال الأعمال هي السبب ؟؟ لا اخي بل الخام الخارجي المستخدم ؟؟
اخي هناك فرق ان تغطي مكونات كمبيوتر ببلاستيك أو ان تغطيها بألمنويوم ؟؟
القضية ليست 3000 ريال أو مليون، من حق أبل أن تبيع بعض أجهزتها بمليون لو أرادت، ولكن القضية توفر الخيارات، نظام اندرويد يتوفر له أجهزة بأقل من 1000 ريال، مثل جالكسي آيس، وكذلك نظام ويندوز المكتبي، ولكن أنظمة أبل لا تتوفر لها أجهزة بأقل من 2400 ريال.
ماك وورلد سيعود إذاً
معروف عن أبل انهم دفنوا 2700 جهاز ليسا، وكانوا يقدرون يخفضون السعر أو يتبرعون فيها، ولكنهم خافوا من نزول أسعار اجهزتهم، واعتبارها أجهزة لذوي الدخل المحدود.
الشيء الوحيد الي ممكن يجبر أبل على تخفيض السعر هو وجود منتج أفضل بسعر أقل، مع تكدس الأجهزة في مخازنهم، وأما ما دامت تبيع بشكل جيد فهي لن تخفض السعر.
“دفنوا”؟ وش هالطريقة العجيبة للتخلص من منتج؟ ممكن مصدرك اخوي
http://www.web8bits.com/Marcas/Apple/English/Lisa/AppleLisa1.html
http://en.wikipedia.org/wiki/Apple_Lisa
آخر المقالات، وكانت تقدر تتبرع بالأجهزة بدل دفنها.
أبل, لًن ولم تفكر أبداَ بمحدودي الدًخل ..
بينما جميع الشركات العالمية تراعي محدودي الدًخل وتجعلهم يواكبون التطور
آما أبل تحسهم وكأنهم يريدون جعل الأغنياء فقط هًم من يستخدمون تقنيتهم!
ولا اعتقد بأن هٌناك تحديثات نوعية ربما يكون زياده المعالج بواحد جيجا هاريتس زيادة, او الكاميرا تكون علي سبيل المثال 3, تصير 3.2, او الذاكرة تكون 32 تصير 64, وهاتك يامبيعات ..
رٌغم إعترافي أن جهازهم IPAD الأفضل علي الأطلاق حتي اللحظة
ما اقدر اقول الا صح لسانك اخوي محمود ردك هو الواقع اللي تنتهجه شركة ابل