أيهما أفضل اللون الفضي أم اللون الأسود للهاتف سوني أريكسون أرك ؟

بصراحة الاسود دائماً انيق،،،،،لكن حبيت أسألكم وين احصل الجهاز في القصيم او الرياض مع العلم أني رحت لعالم سوني البارح اللي بشارع التخصصي قالوا مو موجود الا عند الاتصالات اما بالقصيم مااعرف الا جرير واذا كلمتهم قالوا الجهاز نزل قبل أسبوع وخلص والدفعه الثانية تنزل بعد ١٥ يوم واكلمهم بعد ١٥ يوم ويقولون نفس الكلام نزل وخلص والدفعه الجايه بعد أسبوعين ومرة يقول بعد شهر احس انهم “كذابين” وش رايكم وين احصله واذا ممكن احد يوفره لي خلال هالاسبوعين “بيض الله وجهه” لان ودي أهديه لزوجتي هي ميته عليه لانها بصراحة من عشاق سوني،،،،والاتصالات عندنا بالقصيم كلما رحت لهم قالوا مابعد وصل…. ومشكورين،،،، وآسفين ع الإطالة .. 

ليه الجهاز نزل عند الاتصالات ؟؟
ياليت احد يفيدنا

همممممم .. مو كأنه كحلي غامق وليس أسود ؟؟

بصراحة الفضي مميز جداً، لكني أحب أن يكون الجهاز كقطعه واحد ..

حتى إني أستغرب من بعض الأصدقاء الذين كانوا ينتظرون اللون الأبيض من الآيفون 4. أبيض بالكامل “تقريباً” ما عدا الوجه (مستطيل أسود ونقطتين سوداء “السماعة والكاميرا الأمامية”) ..

ومن الخلف نقطة سوداء للكاميرا الخلفية ..