كانت هيئه تنظيم الاتصالات فى الامارات قد أعلنت انه سيتم وقف عدد من خدمات بلاك برى اعتبارا من يوم 11أكتوبر المقبل و ذلك استنادا الى إلى كون بعض خدمات "بلاك بيري" نتيجة طبيعتها الحالية، تتيح السبيل أمام أفراد لارتكاب تجاوزات، بعيداً عن أي مساءلة قانونية، ما يترتب عليه عواقب خطيرة على الأمن الاجتماعي، والقضائي، والوطني. مؤكدة أنه لا رجعة عن القرار
أكدت صحيفة "الإمارات اليوم" أن مشغلا خدمات الاتصالات "اتصالات"، و "دو"، أكدتا التزامهما بتقديم خدمات بديلة في غضون أيام، عن خدمات الـ"ماسنجر"، والبريد والتصفح الإلكترونيين، الخاصة بهواتف "بلاك بيري"، بسبب عدم إحراز أي تقدم في المحاولات التي بذلت مع شركة "ريسيرش إن موشن" الكندية، لجعل هذه الخدمات متوافقة مع التشريعات التي تنظم عمل القطاع في الدولة.
الناس وصلت القمر!
واحنا نتكلم عن مراقبه ألي يقوله الناس في البلاك بيري!!
مع أن هناك مية الف طريقه وطريقه لتبادل نفس المعلومات.. وبدون مراقبه!!
اكيد الشركه الكنديه مارح توافق على ألي تبيه الأنظمه العربيه!! (في شي أسمه حقوق الأنسان)
والأمارات ترى الأولى..
والسعوديه .. والكويت والبحرين.. وغيرهم…لاحقينهم.. رغم النفي الحالي.. والسبب بيع المخزون الموجود من هواتف البلاك بيري في مخازنهم!!
لأن بالمنطق.. من بيشتري هالأجهزة بعد توفق الخدمه!!
وعلى فكره لعشاق المسنجر!!
ترى لحين بأمكانك استعماله في كل الجولات!
وماادري من اقنع شبابنا ان الخدمه موجوده بس في البلاك بيري!
وألي يضحك.. يقولون ببلاش .. مادري الفاتورة الشهريه لشنو عيل!!
صدقوني إذا وفرت حلول تقدر توقف الخدمه لكن بدون أي شي آخر ؟؟؟ مدري عادي
الناس عندها ألـف طريقه للتوآصل مع بعض غير عن الـBB messenger بياخه صار ادمان يشترون الجهاز عشان الـBB ولآن كل الناس طايحين فيه
المهم كفو يالإمارات
يالسعوديه نامي هاه نااااامي
و مثل ما قالوا الأخوه أن البلاك بيري ماله داعي بدون BB messenger
يعني أدفع 1400 ريال سعودي فقط عشان خدمة شات و ماسنجر
المشكلة مايدرون ان نفسه ماسنجر ويندوز المعروف hotmail لكن عندنا عقلية غير
و BB مقيد فقط أنك تكلم شخص معه بلاك بيري اما ماسنجر لايف تقدر تكلم أيفون أندرويد و غيرها لكن من تفهم
لنفرض أن السعودية بتلغي خدمة BB Messenger
أتحداك بكره تلقا شخص معه بلاك بيري غير رجال الأعمال 🙂
و مثل ما قلت أول هنا عندك عقول صغيره لا تعرف تستخدم الجهاز 🙂
خخخخخخخخخخخخخخخخخخ
يا أخ osom بالله مافيه أحد من أخوياك قاعد يطقطق على البلاك بيري و انت جالس
طيب أنا أقولتك تجربتي
انا دايم أطلع مع أخوياي بالسيارة و فرفرة و الله ما أسمع له حس كل واحد بجاهزه
إذا طلعنا مخطط قسم بالله الشلة كلها تقصد بالساعات ساكتين أمام شاشة البلاك بيري و كلها لو تبيني أحلف لك أنها سواليف بايخة و ما منها فايدة (معضمهم و ليس كلهم)
يعني صراحة صاير مرض
أطلع الشارع و شوف الي يقعد قدام باب البيت و قاعد سوايف ( يا حش يا سواليف مضيعة للوقت يا صور وصخة و طبعا هذي معروفه)
هنالك الكثير منهم يرسل صور لنساء عرايا و ألأحدها من ذالك مقاطع فيديو بدون أي حجب
كل هذا و تقول أضرار البلاك بيري
انا أقولك البلاك بيري لمن ينفع
ينفع لشخص عمري يرسل و يكلم ناس من الشركة يخلص أعماله فيها لكن تجي تعطيه لشاب عاطل باطل مثل الي عندنا بالسعودية خطأ
و معروف كل تقنية تخش عندنا يالعرب تستخدم إستخدام خاطئ ( مثل البلوتوث و غيهرا …)
البلاك بيري له منافع كثيرة لكن لناس الي تستخدمه صح مو عندنا 🙂
بكل صراحة الـ BlackBerry ما منه فايدة بدون الـ BB Messenger !
بصراحه أنا من أشد المؤيدين بإلغاء خدمة البلاك بيري الاسباب هي كالتالي:
1- أنه مستهدف لفئه معينه الاعمار الي هي عمر المراهقه بكل صراحه.
2- أن أغلب الرسائل المرسله عن طريق هذه الخدمه تكون خادشه للحياء بغض النظر عن المراسلات التي تمس الامور السياسيه.
3- أصبح وبكل أسف سبب للتفرقه بين الشباب في جمعاتهم وكل شخص أصبح منزل رأسه على شاشة البلاك بيري.
وهذا رأي الشخصي ودمتمـ سالمين غانمين…
أعذرني يا أخ اسامة ولكن عقليتك محدوُدة نوعاً ما ..
1 – من قال انه فقط للمراهقين؟!, هذا الجهاز اكبر الشركات توُزعه على موظفينها لأن تواصله سريع + نظام آمن وقوُي, وكثير من الناس تستفيد منه. ونقول انه فرضاً موجه للمراهقين فقط وهو عكس ذلك لكن نفرض , وين المشكلة ؟
2 – هذي الرسائل “الخادشة للحياء”! اذا ما أنرسلت على البلاك بيري, لا تخاف بتنرسل على شيء ثاني.
3 – والله مدري وش اقول صراحه, بس ما عمري شفت احد طالع مع اخوياه وجالس يسولف عالبلاك بيري؟! يعني من يكلم بالله؟ اذا كانو أخوياه معه ( يعني اعذرني سببك الثالث مختلق من راسك 😉 )
يعني بأختصار أنترنت مثل الأنترنت حق كل الجوالات