التقنية بلا حدود:كيف تأكل الرّمان ؟

أوكي المسألة غريبه شوي ولكن موسم الشتا حلّ وهذا هو الموسم المناسب لأكل الرمان  أعرف المقال ماله دخل بموضوع التقنية بلا حدود بس  يعني زي ماتقولون أشتهيت الرمان وقلنا ليه مانشرح طريقة أكل الرمان الصحيحه :-p  بطريقه سهله وحلوه . أذا تبي تاخذ الرمان حاول أنك تاخذ وحده طيبه حلوه مليانه باللون الأحمر على الأقل مو كلها المفروض تكون باللون الأحمر !! ولكن كل ماغطاها اللون الأحمر كل ماكانت طيبه الطعم والأكل 🙂

بعد ماتختار الرمان المناسب وتروح للبيت بس تأكد من غسلها بشكل جيّد وأقطع الرمان من فوق على شكل علامة أكس (X)  من فوق الى نصف الرمان لاتقطعها يعني بشكل كامل (تنبيه! أذا كانت ماتهمك الطريقة وتفضل أني أسكت ولا أتفلسف أرجوك وقف هنا وأقطعها وحوس المكان :-D) عموما ضع أصبعك للنصف من الرمان  أنزع القطع للخارج قطعه قطعه و حاول التخلّص  (لاتنزع !)من القشر وأنظر الى الجواهر الصغيره الحمراء  المهم لاتتوقف كمل تقطيع .

بعد ماتقطعهم وتخلص بس جب لك حوض مب كبير وأملي الغطا بماء للنصف  وضع الرمان بالنصف وابدأ بالتقشير بلطف مب بقوه .

بشكل خفيف حاول أنك تزيل الغشاء الموجود على حبات  الرمان   . طبعا حبات الرمان راح تنزل تحت أسفل  وطبعا أي غشاء  راح ينزل للماء راح تلاحظ أنه راح يطفو للأعلى . طبعا فائدة هذه الطريقه بدل وأنت تطلع حبات الرمان ولي ممكن تتطاير في كل مكان  ومع قوة التقشير ممكن تطير في وجهك 😀  ولكن بهذه الطريقة خلاص  تضمن  أنها كلها راح تكون في مكان واحد  وأضف على ذالك التقطيع بهذه الطريقة يعطيك  فائده أن ولا حبت رمان تبقى متعلقه مع القشر ! صدقني طريقة حلوه  وبدل ما أن يكون كله فوضى  راح يكون في الحد الأدنى من الفوضى.

عموما بعد الأنتهاء من العملية كلها فقط أحضر مشخال صغير وشيل الزوائد كلها  وبعد ماتتأكد أنك أزلت كل الزوائد فقط تخلّص من الماء كله وأحضر صحن حلو وضع الرمان !

أستمتع 🙂 كان معكم الشيف سلطان